Mittelfischer's gönd go Campe    21.11.05

Mer händ emal es Zält eus kauft, Villa Mittelfisch dänn grad tauft.
Und fahred uf dä Campingplatz, ufstelle tuet min Schatz.
Mängisch tuet er ganz fescht flueche, uf em Zältplatz umerueche.
Schwitze mues er au ganz fescht, s'git em fascht dä Rescht.

Tuet euses Zält dänn andli stah, voll im Griff das muesch eus lah.
Mer sitzed ganz gmüetli dänn mal ane, und ässed e Banane :-)
Min Schatz dä rüeft, Frau jetzt hani aber Durscht, mega luscht au  uf e Wurscht.
Chüels Bier das isch doch eifach s'bescht, für üs und au für d'Gescht.

Uf Güetighuse tüend mir mängisch fitze, mit dä Malzi's zäme sitze.
Ich säg eu das isch dä Hit, häsch s'Gfühl seigsch immer zwäg und fit.
Dä Himmel isch so sterneklar, schlafsch im Zält ganz wunderbar.
Machsch am Morge dini Auge uf, und bisch ganz mega super druf.

A Pfingschte sind mir s'erscht mal gange, d'Saison hätt jetzt doch agfange.
Am Tag da isch es schö warm gsi, aber i dä Nacht da gfrürsch fascht ii.
D'Nase, d'Händ und alls isch gfrore, und dezue na stiffi Ohre.
Min Schlafsach dä isch würkli nüme guet, es verlaat mi fascht min Muet.

Im Hütteberg da isch es au ganz cool, da hät's sogar en Swimming Pool.
Gsehsch uf dä schöni Bodesee, ja säg was wotsch im Läbe dänn na mee.
Mer stossed aa mit Bier und Wii, e bitzli meh das dörf dänn mängisch scho au sii.
Am Abig chunt dä Vielle Prune draa, es Rüschli hämmer au scho ghaa.

Mer liebed Pizza und chli Vino, drum fahred mir dur dä Ticino.
Z'Italie uf dä Autobahn da fahred d'Tschingge, s' isch dä Wahn.
Und sind mir dänn am Meer aaglangt, dänn haued mir grad ab in warme Sand.
Isch dä Camping überfüllt das macht eus nüüt, wänn er isch vollgstopft mit Lüüt.

Und Dütschi hät's dänn au viel ghaa, am Zält händ all e Schüssle draa.
Vom Morge früe bis Zabig spaht, lauft RTL bis nüt me gaht.
Säg händ die nöd e Schruube locker, das haut en Schwiizer  glatt vom Hocker.
Stundelang Auto fahre zum i d'Ferie gaa, aber Fernseh luege chönds dänn gar nid laa.

Ja wunderschön isch's uf em Campingplatz, sünnele, bädele und flirte mit em Schatz.
Mit dä Chind isch's immer cool und luschtig, mängisch au saumässig durschtig.
Die Stunde sind würkli toll und glatt, das Camperläbe hani dänn na lang nid satt.
Freu mi immer wänn dä Summer dänn isch daa, und mir chönd go campe gaa.

Tschau zäme, bis zum nächschte Träffe uf em Campingplatz,
mit eusne Chind und au mim Schatz.