|
Letschte Summer, bim zälte in Güetighuse,
Wo na keine Bock, gha hätt zum go Pfuse.
Uf eimal, chunt eus die supergigaguet Idee,
Säg, wär hät dä Huggi Pool no gar nie gseh.
Hey Roli, im Huggi e Party tja das wär cool,
Fäschte, brötle und bädele, i dim tolle Pool.
Mach i doch, kei Problem das isch sunneklar,
Am 5te elfte, isch kein Witz das isch wahr.
Dä Summer und Herbscht isch schnäll verbii,
Und zagg, da isch's doch scho November gsii.
Badgwändli, die Sache tüend mir nid bruche,
Gang defür, i mim Chaschte goge umenusche.
Thermowösch, Skisöcke, Fasi all das leg i aa,
Arsch abfrüre, chasch mi ja grad gar nid ha.
Fahr mit em Auto, dänn i d'Richtig Huggi ab,
Immer heisser wird's, ich mach grad schlapp.
En supi Plan, hätt min Maa mir na usedruckt,
Das au mir, dä Huggi chlige nächer aneruckt.
Fahr ume, chume nüme drus wo bin i glandet,
Ha s'Gfühl, bi voll im Tösstal hine gstrandet.
Mis Natel lüütet, jetzt bin i aber mega froh,
Irsch umenand oder häsch d'Abchürzig gnoh.
S'Füürli, brännt im Cheminé au scho ganz wild,
Han ganz gmüetli, verusse zwei halbliter killt.
Zum z'Znacht hätt's feini, gueti Sache gäh.
Isch chalt, chum mer tüend es Schnäpsli näh.
Guet agleit, simmer all fidel und luschtig gsii,
Und dä 5ti elfti, isch doch wie im Flug verbii.
Weisch was isch d'Moral, a däre ganze coole Gschichte-Chischte,
Für Wy und Bier muesch ganz sicher e kein Chüelschrank richte !
(-: Aber vilicht en Wychüeler ?!? :-)
|
