|
Oh Jeh, ganz früeh am Samschtigmorge
Nid ganz wach, und ohni Sorge
Isch dä Malzi-Clan, i d’Lochmühli gfahre
Alli sind ganz gspannt, was tüend mir det erfahre ?
Eusi Zimmer und Masselager, hämmer
gfunde
Chömed mit, i dä Schür da sind die erschte Runde
Es bitzli Durscht, händ mir jetzt langsam überchoo
Und a dä Bar, es Wily und chli Bierli gnoo
Drüü Chüeh, hät’s det zum mälche
gha
Die einte händ’s, voll im Griff das muesch ne laa
Die andre, glatt denäbed gsprützt
Dä Chessel bliibt läär, das hätt dänn gar nüt gnützt
Hammer und Nagel, isch dä nächschti
Poschte
Wieviel tuet, es Päckli Pflaschter choschte ?
Eusi Manne, sind da würkli mega
guet
Die einte Fraue, verlaat scho fascht dä Muet
Dä Dansgi meint, „Hau den
Lukas“ das isch toll
Bruchsch alli Chraft und hausch dänn
voll
Dä Hammer, müend mir ihm fascht wäg
näh
Suscht het’s, doch glatt en neue
Lukas gäh
Mit grosse, Traktore händ alli dörfe
fahre
Die einte, gäbed alles gsänd debii kei Gfahre
D’Söne, immer voll uf em Gas das
isch so wahr
Ich glaub, si meint si heig en Bobby Car
Vili andri Sache, händ mir am
Samschtig no erläbt
Die einte, sind a steile Felswänd obe kläbt
En grosse, Durscht und Hunger hät sich bemerkbar gmacht
Und es wird, tanzt und gfäschtet bis tüüf i d’Nacht
Am Sunntig, dä Z’morge isch mega
fein und wichtig
Für die einte, es Chopfwehtablettli genau das richtig
Eusi Chind, chönd chum me warte
Dänn s’Bulle, riite tuet glii starte
Jung und alt, scho alli sind im
Cowboyfieber
Oh weh min Schädel brummt, ich bliib sitze lieber
So en Ritt uf so me Tierli isch e wildi Sach
Vor luuter lache sind dänn au scho alli wach
Am Schluss, tüend alli ganz brav
anestaa
Es Gruppefoti, müend mir dänn ja scho no haa
E lässigs, Malzi-Weekend isch das würkli gsii
Nu schad, isch immer alls so schnäll verbii
Und jetzt, wett ich na allne ganz
fescht danke
Wo s’Jahr dur, e so fescht sind go chrampfe
|
